Yolg'izlik

Analiza I Pregled Android Aplikacija: Yolg'izlik, Razvijen Od Kitoblar Olami. Navedeno U Kategoriji Knjige I Priručnici. Trenutna Verzija Je 1.1.5, Ažurirana Na 24/03/2024 . Prema Recenzijama Korisnika Na Google Playu: Yolg'izlik. Postignute Više Od 7 Tisuća Instalacije. Yolg'izlik Trenutno Ima 9 Recenzija, Prosječna Ocjena 4.0 Zvijezda

“Yolg`izlik” qissasi
Ushbu asar qissa janrida yozilgan bo`lib, qalami o`tkir nosir va shoir, olim U.Hamdamning ijod mahsuli hisoblanadi. Yolg`izlik – butun boshli qissa. Ammo uning qahramoni, barcha o`quvchi uchun – Yolg`iz. Uning ismi, turish-turmushi, maqsadi, kelajagi Yolg`iz. Inson hayotida Yolg`izlikning nechog`lik o`rni borligi va qudrati mutolaa jarayonida o`quvchiga yuz ochadi. Ushbu asar qahramoni (botinan muallif) inson qalbi haqida rostgo`ylik bilan gapirishga shu qadar uringanki, hatto yozganlari odatdagi badiiy asarga o`xshamay qolgan. Asar bosh qahramoni ismsiz . Yoshi 28 da, oilali. Asar 3 qismdan iborat bo`lib, voqealar rivoji “Hammasi o`sha kundan boshlandi”, -jumlalari bilan 2-qismdan boshlanadi. Ungacha qahramon el qatori yashayotgandi, hech kimdan yaxshi emasdi, yomon ham. Kunlardan bir kuni do`stining uyiga boradi va u yerdagi tartibsizlikni ko`radi. Shamolning shovullashini tinglab, biroz tin qoladi. Shu kungi voqeadan so`ng uning farog`atiga darz ketadi. Endi u avvalgidek – odamlardak yashay olmay, o`z botiniga ketishga majbur bo`ladi. Aynan shu yerda uning yolg`izligi boshlanadi. “Yuragimning juda chuqur joyida men baribir yolg`izman”- deydi qahramon. Xo`sh, uni yolg`izlikka giriftor qilgan kuch nima edi. “… Qulog`imga birdan daraxtning olis shovullashi kirdi va barchasi sob bo`ldi, “kayfim tarqadi”. Daraxtning – yuz minglab yaproqlarning ulug`vor qo`shig`i unga mangu Olam musiqasi bo`lib tuyuladi va “ayni mangulikka chapishib parcha-parcha bo`gandir mening haligi baxtim” deydi. Asar davomida bu ohang qahramon botinida takror va takror takrorlanadi, uning tashqariga – odamlar oldiga chiqishga va odamlardek yashashiga izn bermaydi. Ya’ni daraxtning shovullashi bu – bir qutb(ramz) bo`lib, qahramonning butun iztiroblari go`yo o`shanga nisbatan, o`shaning qarshisida, o`sha tufayli tug`ilaveradi. Ikkinchi qutb esa uning odatiy holi, bir inson sifatidagi orzu havasi, ehtiyoji … bo`lgan joydir. Qahramon ana shu ikki qutb – ikki “men” o`rtasida arosatda qoladi va shiddatli azob bilan olishadi. U o`zini o`tga, cho`qqa uradi, lekin najot topolmaydi. Iztiroblar qahramonni yana yolg`izlik sahrosiga olib chiqadi…
Asarni o`qir ekansiz, muallifning o`zligidagi rostlikni ko`rib, asarni qaysidir jihatdan kundalikka o`xshatsak bo`ladi. Negaki, kundalikka qalbingizdagi chin so`zlaringizni to`kasiz. “Yolg`izlik” ning ismsiz, qiyofasiz, makon va zamonsiz qahramoni balchiqqa tushib qolgan katta baliqqa o`xshaydi. Bechora suzay desa, suzolmaydi, o`lay desa, buning ham iloji yo`q. Arosat! Ha, asardagi barcha fikrlar arosatda qolgan insonning o`y-fikrlari. U ayoli va farzandini qattiq yaxshi ko`radi, ularning baxtsiz bo`lishini aslo istamaydi. Ammo bora-bora o`z oilasi bag`rida ham o`zini yolg`iz his qila boshlaydi. Bir vaqtlar yuragi faqat uni deb uradigan, buyursa bas- butun dunyoni ostin-ustun qilishga shay bo`lgan sevgi, muhabbat tuyg`ulari ham undan anchagina olisga ketib qolganday edi. Ko`p o`rinlarda asar qahramonining o`zligidagi isyoni tasvirlari keltirilgan. Xususan, bu isyon taqdirga, Yaratganga, nochorligi va ilojsizligiga qilingan isyondir. Yaratganga ko`p bor iltijo qiladi, bu iltijolarning boisi tavba emas. Balki, qahramon gunoh deb sanaladigan qilmishlarni gunoh emas, men gunohkor emasman deb Yaratganga tushuntirishga urinadi. Asar qahramonining badani, ruhi, aqli bir butunlik ichidagi uchta mustaqil bo`laklar edi. Barchasi qahramonni har tarafga qarab yetaklaydi. Ruhning ishi – Ollohga iltijo, aql turmush tashvishlari bilan kurashadi, badan esa go`zal va begona ayollar tomon talpinadi.
Yozuvchi asar davomida shunday dalillar keltiradiki, o`qirman ham bevosita qahramon holatiga do`nadi. O`zini ham yolg`iz, nochor, ilojsiz his qila boshlaydi. Misol qilib quyidagi misralarni keltirsak,
.. Kechagina dunyoni zabt etaman, deb xezlanardim. Bugun o`zim uning poylarida ezilib bitdim… Yoinki … Kechagina do`st uchun jonimni tikishga tayyor yashagan – men! Bugun na do`st qoldi va tikishga tayyor jon!.

Read more